“Gəncə şəhərində Heydər Əliyev Park Kompleksinin yaxınlığında tunc dövrünə aid tarixi abidələrin olduğu ərazidə tikinti işləri aparılır”.
Milli Məclis deputatı Naqif Həmzəyev “Tikinti sektoru subyektləri arasında vahid müqavilə formasının tətbiq zərurəti, tənzimlənməyən münasibətlərin sektorda yaratdığı problemlər və onların həlli yolları” mövzusunda keçirilən konfransda bildirib.
Onun sözlərinə görə, şəhərin baş planı yoxdursa, tikinti işləri müvəqqəti olaraq dayandırılmalıdır.
“Zəlzələ baş verəndə əhali təşviş içində olur. Çünki onlar mənzillərin keyfiyyətinə əmin deyillər. Tikinti sektorunda keyfiyyətin artırılması üçün nəzarət gücləndirilməlidir”,- deyə deputat bildirib.