ABŞ-ın Qarabağla bağlı mövqeyi yenidən gündəmə gəlib. Belə ki, ABŞ Ermənistanda yaşayan Amerika vətəndaşlarına səslənərək ermənistanın sərhədyanı rayonlarına eləcə də Qarabağ bölgəsinə səfər etməməyi çağırıb.
Mövzu ilə bağlı açıqlama verən Milli Məclisin deputati Naqif Həmzəyev bildirib ki, Amerika Birləşmiş Ştatları mütəmadi olaraq bu cür açıqlamalar verirlər. Onlar öz vətəndaşlarını münaqişə olma ehtimallı ərazilərdən və yaxud terror təhlükəsi olan ərazilərdən qorumağa çalışırlar.
Deputat həmçinin bu fikirləri də səsləndirib:
''Düşünürəm ki, Laçın keçid məntəqəsində baş vermiş təxribat revonşistlərin və separatçıların istəyi ilə həyata keçirilib. Onlar Ermənistan və Azərbaycan ərazisində sülh anlaşmasının imzalanmasının və Zəngəzur koridorunun açılmasını istəməyən qüvvələrdir. Bu baxımdan biz proseslərə bacardığımız qədər soyuqqanlılıqla yanaşmağı bacarmalıyıq. Onsuzda Azərbaycan silahlı qüvvələri bütün təxribatların qarşısını uğurla alır. Erməni tərəfinə lazımi zərbələr endirilir. Bu məqamda biz bacardığımız qədər təmkinli olmalıyıq. Ermənistanın təxribatına və hiyləsinə aldanmamalıyıq. İstənilən halda ermənilər əgər təxribatlarını davam etdirər, bu proseslərdə yenidən səhvə yol verərsə Azərbaycan Silahlı Qüvvələri tərəfindən onların lazımi cavabları veriləcəkdir''.
Xatırladaq ki, ABŞ 44 günlük vətən müharibəsi zamanı da belə bir çağırış etmişdir.