Bir gündə 32 nəfər koronavirusa yoluxdu
Ötən gün Azərbaycanda koronavirusa yoluxanların əksəriyyətinin Gəncədə qeydə alınması, burada karantin rejiminin ciddi pozulmasından xəbər verir.
Bunu ölkənin baş infeksionisti Cəlal İsayev deyir.
O, Gəncədə əhalinin digər böyük şəhərlərə nisbətən daha seyrək yaşadığını, burada epidemioloji vəziyyətin ağırlaşmasını gözlənilməz hal hesab edir.
Milli Məclisin Gəncəni təmsil edən deputatı Naqif Həmzəyev, Azərbaycanın ikinci böyük şəhərində yoluxma hallarının artmasını insanların karantin rejiminin yumşaldılmasından sui-istifadə etməsi və məsuliyyət hissinin azalması ilə izah edir.
Qeyd edək ki, ötən gün Azərbaycanda 52 yeni koronavirusa yoluxma halı aşkarlanıb. Bunun 32-si yalnız Gəncədə qeydə alınıb.