Orta ixtisas təhsili müəssisələrində oxuyan tələbələrə hərbi xidmətdən möhlət hüququnun verilməsi ilə bağlı təkliflər həm Səfərbərlik və Hərbi Xidmətə Çağırış üzrə Dövlət Xidmətinə, həm də digər aidiyyəti qurumlara göndərilib. Bu barədə Elm və təhsil nazirliyi məlumat yayıb.
Maraqlıdır, bu universiteti bitirən tələbələrə də şamil oluna bilərmi?
Məsələ ilə bağlı danışan deputat Naqif Həmzəyev bildirib ki, Azərbaycan 44 günlük Vətən müharibəsində əldə etdiyi Zəfərdən sonra , islahatları davam etdirməkdədir .
“Xüsusi ilə Azərbaycan Türkiyə ordu modeli prinsipinə əsaslanaraq komanda tipli hərbi hissələr yaradılır. Bununla yanaşı Azərbaycan peşəkar hərbiçilərin orduda çoxluğunu təmin edir. Bu o deməkdir ki , yaxın dövrdə sülh anlaşması imzalanacağı tədqirdə biz ordu sıralarında daha çox peşəkar hərbi qulluqçuların olmasına daha çox üstünlük verəcək. Nəticə olaraq Hərbi xidmətə çağırılan gənclərin həm müddətində həm də onlara qarşı müəyyən güzəştlərin edilməsinə rast gəlinə bilər . Bu baxımdan da kollecdə təhsil alan, hərbi xidmətə çağırış yaşı çatmış gənclərimizə də müəyyən möhlətin verilməsi çox yaxşı olardı. Müəyyən dərəcədə gənclər təhsili atıb 1 il 6 ay xitmət çəkdikdən sonra yenidən təhsilə qayıtmasında problem yaranır“.
Deputat universitet tələbələri ilə kollecdə təhsil alanalar arasında olan fərqdən də danışıb. O, qeyd edib ki, kollec təhsili ali sayılmadığı üçün buranı bitirənlər 1 il 6 ay hərbi qulluq keçməlidir. Onun sözlərinə görə, təhsil haqda və digər qanunlarda da bu qayda öz əksini tapıb.
Deputat həmçinin onu da əlavə edib ki, kollec təhsili alanların da universitet tələbələri kimi, bir il xidmət etsələr daha yaxşı olardı.
“Bunun baş verməsi üçün ilk növbətə sülh anlaşması imzalanmalıdır. Bizim üçün təhdit və təhlükə mənbəyi olan Ermənistanla münasibətlərin normallaşması lazımdır ki, hərbi hissələrdə çox sayda hərbiçilərə ehtiyac qalmasın. Hərbiçilər daha az müddətdə ilkin hərbi biliklərə malik olsunlar. Zərurət yarandıqda isə daha uzun müddətli kurslara və yaxud təlimlərə cəlb edilsinlər“.
