Azərbaycan Respublikasının Milli Məclisi parlamentin beynəlxalq əlaqələrinin inkişafına böyük önəm verir. Nümayəndə heyətlərinin Milli Məclisin üzvü olduğu beynəlxalq qurumlarda fəaliyyəti parlament rəhbərliyinin daim diqqət mərkəzindədir.
Milli Məclisin Parlamentlərarası İttifaqındakı nümayəndə heyətinin tərkibi müəyyənləşib. Parlamentin mətbuat xidmətindən verilən məlumata görə, qurumda nümayəndə heyətinə Milli Məclis Sədrinin müavini Adil Əliyev rəhbərlik edəcək.
Nümayəndə heyətinin tərkibinə deputatlardan Elnur Allahverdiyev, Şahin İsmayılov, Tural Gəncəliyev, Naqif Həmzəyev, Rəşad Mahmudov, Kamran Bayramov, Zahid Oruc və Məzahir Əfəndiyev daxildirlər.