"Azərbaycan 90-cı illərin əvvəlllərində çox ağır və çətin dövrdən keçirdi. Azərbaycan müstəqilliyini qazansa da çox təəssüflər olsun ki, qarşılaşdığı problemlər Azərbaycanın müstəqil inkişaf etməsini, irəliləməsini, böyüməsinin qarşısını alırdı. Xüsusilə də Azərbaycanda ictimai-siyasi gərginlik, Ermənistan tərəfindən Azərbaycan torpaqlarının işğalının başlanması iqtisadi vəziyyəti daha da ağırlaşdırırdı". Bu sözləri açıqlamasında Milli Məclisin deputatı Naqif Həmzəyev deyib.
Onun sözlərinə görə, 1990-cı il 20 yanvar hadisələrindən sonra Azərbaycanda vəziyyət daha da gərginləşmişdi: "Azərbaycanın liderinin olmaması, səriştəli məmurların və vəzifəli şəxslərin öhdəliklərini yerinə yetirməməsi bu problemləri daha da dərinləşdirdi. Lakin göründüyü kimi 1993-cü ildə xalqın təkidi ilə Heydər Əliyev Bakıya dəvət olundu. Ümummilli Lider Bakıya gəldikdən dərhal sonra Gəncəyə səfər edərək buradakı qarşıdurmanın qarşısını aldı. Daha sonra isə bildiyimiz kimi Ulu Öndər Heydər Əliyev Milli Məclisin rəhbəri seçildi.
Nəyahət 3 oktyabr 1993-cü ildə Heydər Əliyev Azərbaycan Respublikasının Prezidenti seçildi. Faktiki olaraq dağıdılmış, talan edilmiş, çox ağır və çətin vəziyyətə salınmış Azərbyacanın müstəqilliyini qoruyub-saxlamaq çox çətin bir proses idi. Həm Azərbaycandakı qarşıdurmanı tamamilə yatıra bilmək, Azərbaycan iqtisadiyyatını sıfırdan qurmaq, Azərbaycan Ordusunu formalaşdırmaq çox aöır və məsuliyyətli bir iş idi. Amma Ulu Öndər Heydər Əliyev bütün bunların üstəsindən çox məsuliyyətlə gəldi. Ümummilli Lider Heydər Əliyev hakimiyyətə gəldikdən sonra Azərbaycan Respublikasının Konstitusiyası qəbul edildi, Azərbaycan Parlamenti formalaşdırıldı. Ulu Öndər Heydər Əliyev Azərbaycan neftinin dünya bazarına çıxarılması üçün “Əsrin müqaviləsi” imzalanmasına nail oldu. Bundan əlavə olaraq Azərbaycan gənclərinin formalaşdırılması, yetişdirilməsi və Azərbaycanın ictimai-siyasi həyatında aktiv rol oynaya bilməsi üçün qərarlar verildi. Bir sözlə Azərbaycan yenidən quruldu. Müstəqil Azərbaycanın qurucusu məhz Ulu Öndər Heydər Əliyevdir. Bu gün Ulu Öndər Heydər Əliyevin arzusunu, siyasətini bu gün Prezident İlham Əliyev uğurla reallaşdırır".